JASUR JALOLIDDINOV "NEFTChI" AʼZOSI

Bugun klub rahbariyati navbatdagi transferni amalga oshirdi. Oʻtgan mavsumda "Olimpik" tarkibida toʻp surgan iqtidorli yarim himoyachi Jasur Jaloliddinov "Neftchi" bilan ikki yillik shartnoma imzoladi. Maʼlumot oʻrnida, Jasur Jaloliddinov oʻtgan mavsumda Superliga musobaqsida jami 20 ta uchrashuvda maydonga tushib, 5 ta gol muallifiga aylandi va 3 ta golga assistentlik qildi.Shuningdek, futbolchi Oʻzbekiston Olimpiya terma jamoasining sardori sifatida shu kungacha koʻplab rasmiy va oʻrtoqlik uchrashuvlarida maydonda harakatlanmoqda. Ahil jamoamiz va koʻp sonli muxlislarimiz nomidan Jasurga fargʻonaliklar safida yanada gʻayrat va shijoat bilan harakat qilib, "Neftchi" sharafini munosib hissa qoʻshishidagi faoliyatida omad va zafarlar tilaymiz. "Neftchi" PFK matbuot xizmati