«Neftchi» jamoasida darvozabon sifatida faoliyat olib borgan Denis Ivankov klub tizimida o‘z faoliyatini boshladi!
Tajribali mutaxassis Denis Ivankov jamoamiz darvozabonlar murabbiyiga aylandi.
Denis Aleksandrovich Ivankov – mashhur sovet va o’zbek futbolchisi, darvozabon sifatida o’ynab, keyinchalik darvozabonlar murabbiyiga aylandi, mutaxassisning faoliyati judayam muvaffaqiyatli kechdi, Denis Ivankov 1972 yil 17 iyunda Toshkent shahrida tug‘ilgan.
Mutaxassis futbolchilik faoliyatini 1990 yildan boshlab, turli klublarda o’ynagan:
1990 yil: «Aralvodstroevets»
1990 yil: “Sohibkor”
1991 yil: “Chirchiq”
1992, 1994-1995 yillar: “Paxtakor” (Toshkent)
1992-1993 yillar: “Nurafshon”
1995 yil: “Neftchi” (Farg‘ona)
Mutaxassis jamoamiz safida ikki bor O’zbekiston chempioniga (1992, 1995) aylangan.
Murabbiylik faoliyati:
Denis Ivankov futbolchilik faoliyatini yakunlagach, darvozabonlarni tayyorlashga ixtisoslashgan murabbiylikka muvaffaqiyatli o’tdi. Turli klublar va terma jamoalarda murabbiylik qilgan:
2004 yil: «Kimyogar» (darvozabonlar murabbiyi)
2005-2006: «Mashal» (darvozabonlar murabbiyi)
2006 yil: «Paxtakor» (darvozabonlar murabbiyi)
2007-2008: Knyaja (Ukraina, darvozabonlar murabbiyi)
2009-2012: «Mashal» (darvozabonlar murabbiyi)
2013-2018: “Nasaf” (darvozabonlar murabbiyi)
2018 yilning avgustidan: O’zbekiston terma jamoasida darvozabonlar murabbiyi.
2022 yildan: terma jamoada ishlash bilan bir qatorda “Paxtakor”da ham darvozabonlarni boshqargan.
2024 yil: Latviyaning «Liepaja» klubi bilan shartnoma imzoladi.
Denis Ivankov – tajribali va hurmatli darvozabonlarni tayyorlash bo’yicha mutaxassis. U o‘zbek futboli rivojiga katta hissa qo‘shgan, ko‘plab terma jamoa miqyosidagi darvozabonlarni murabbiyi hisoblanadi. U xorijda, xususan, Ukraina va Latviyada ham ishlagan. Mutaxassisning so‘ngi klubi Qozog‘iston primerligasi vakili «Jenis» klubi bo‘ldi, shuni qo‘shimcha qilish kerakki murabbiy klubdagi qisqa muddatli faoliyati davomida Qozog‘iston terma jamoasiga darvozabon yetkazib bera oldi.
Ta’kidlash joizki, Denis Ivankov taniqli murabbiy Aleksandr Ivankov oilasida tug’ilgan.
Umuman olganda, Denis Ivankov o‘zbek futbolidagi taniqli shaxs bo‘lib, futbolchilikdan bir necha avlod darvozabonlarini tarbiyalagan muvaffaqiyatli murabbiy darajasiga ko‘tarilgan.
Yangi futbol mavsumida «Neftchi» tarkibida faoliyat yuritadigan tajribali mutaxassisga kattadan-katta muvaffaqiyatlar tilab qolamiz.
Shuningdek, jamoamizning darvozabonlar murabbiyi sifatida faoliyat olib borgan Farruh Berdiev klub tizimida faoliyat olib boradi.
«Neftchi» PFK matbuot xizmati
Бошқа хабарлар
JАFАR IRISMETOV JАMOАMIZ RАHBАRIYATIDА FАOLIYAT OLIB BORАDI!
TOMA TABATADZE: «MAQSADIM CHEMPION BOʻLISH»
ZORAN MARUSHICH: «MUXLISLAR BILAN HAMJIHAT BO‘LSAK»