SAMIMIY TILAKLAR

Ertaga Fargʻonadagi "Istiqlol" stadionida "Neftchi" Toshkentning "Paxtakor" jamoasini qabul qiladi. Bu uchrashuv taqvim boʻyicha ikkinchi bahs sanalsa ham, shahrimizda Superliga musobaqalarining ochilish marosimi hisoblanadi. Shu bois, shahar hokimligi, viloyat futbol assosiasiyasi, "Neftchi" klubi rahbariyati va muxlislar ishtirokida yangi mavsumda futbolchilarga mustahkam salomatlik, omad va muvaffaqiyatlar tilash maqsadida stadionda fayzli dasturxon yozildi. Uning ishtirokchilari yangi mavsumda jamoaga gʻolibona yurishlardan iborat azaliy anʼanani izchil davom ettirish va har bir imkoniyatdan mohirona foydalanib, ishqibozlar koʻnglini koʻtarishni tilab, qurbonlik qilinib, qurʼon-tilovat qildilar. 🟢"Neftchi" PFK matbuot xizmati