"NEFTChI"(U-18) — OʻZBEKISTON ChEMPIONI!
U-18 Chempionati. 23-tur. 16 noyabr, seshanba AGMK – NEFTChI – 2:4 (1:2) Olmaliq. “Metallurg” stadioni. 45 tomoshabin. Hakamlar: Vadim Agishev, Timur Galeev, Rishat Nugmanov Nazoratchi: Aleksandr Popov Komissar: Ravshan Mavlonov Gollar: Murat Ermatov (30), Islom Toʻrexanov (78) – Martavali Turgʻunov (3), Oblayorbek Rahmatov (20, 49), Azamatjon Tolibjonov (71) Ogohlantirishlar: Bexruz Jumaev (36), Sardor Saydullaev (86), Ibrohim Tohirov (87) – Martavali Turgʻunov (25), Akobirjon Ahmadjonov (38). Olmaliq shahrida U-18 birinchiligining yakunlovchi 23-tur bahsida AGMK- " Neftchi " uchrashuvi oʻz nihoyasiga yetdi. Qiziqarli va keskin kurashlarga boy oʻtgan oʻyinda jamoamiz vakillari 2:4 hisobida chiroyli gʻalabaga erishib, mamlakatimizda ilk bor U-18 jamoalari oʻrtasida Oʻzbekiston chempioni degan sharafli unvonga sazovor boʻlishdi. Uzoq davom etgan (U-18) yoshlar marafonidagi hayajonli va quvonchli lahzalarni bizga taqdim etib, yakunda chempionlikni qoʻlga kiritilishida qoʻshgan ulkan va munosib hissalari uchun jamoamiz rahbariyati, murabbiylar shtabi va futbolchilariga kattadan-katta minnatdorchilik bildirib qolamiz. Shu jumladan, vaqtlarini ayamay,har bir oʻyinda yoshlarimizni qoʻllab-quvvatlagan jonkuyar muxlislarimizga ham rahmatlar aytib qolamiz. Gʻalabalarimiz davomiy boʻlsin, azizlar!
