MIRZOHID GʻOFUROV BILAN ShARTNOMA UZAYTIRILDI.
27-dekabr, 2022·1 min o'qish
Oʻtgan mavsumda oʻzining yorqin oʻyinlari orqali muxlislar mehrini qozona olgan tajribali himoyasi Mirzohid Gʻofurov bilan shartnoma muddati uzaytirildi. Yangi futbol mavsumida ham Mirzohid Gʻofurovga jamoamizning Superligadagi gʻalabali yurishlariga munosib hissa qoʻshishiga ishonch bildirgan holda, unga kuch-quvvat, gʻayrat-shijoat va ulkan omadlar yor boʻlishini tilaymiz. Eslatib oʻtamiz, mohir himoyachi oʻtgan mavsum Superligada jami 26 marta asosiy tarkibda maydonga tushib, 2325 daqiqa harakat qilgan holda klub va PFLda eng koʻp oʻyin oʻtkazgan futbolchi sifatida 1ta gol muallifiga aylangan va bir marta assist rolini bajargan. "Neftchi" PFK matbuot xizmati