MAShGʻULOTLAR OLDIDAN "NEFTChI" MUNOSIB KUTIB OLINDI.

Pro liganing safarda "Nurafshon" klubiga qarshi boʻlib oʻtgan bahsida yirik hisobda gʻalaba qozonib qaytgan "Neftchi" futbol klubi keyingi turga tayyorgarlik koʻrish uchun "Istiqlol" stadioniga tashrif buyurishi chogʻida jonkuyar muxlislari tomonidan tantanali ravishda kutib olindi. Mazkur jarayonda ishtirok etish uchun oʻyingohga tashrif buyurgan viloyat hokimining oʻrinbosari, turizm va sport bosh boshqarmasining rahbari Hurshid Ahmedov jamoaning muddatidan oldin Superliga yoʻllanmasini qoʻlga kiritilganligi munosabati bilan viloyat hokimi Hayrullo Bozorov nomidan samimiy qutlab, jamoaga kelgusida ulkan yutuqlarni qoʻlga kiritishlarida omad va zafarlar yor boʻlishini tiladi. Shuningdek, uchrashuv chogʻida "Neftchi" futbol maktabining tarbiyalanuvchisi va jamoamizning yosh jonkuyar muxlisi Sayfullo Yuldashevga "Neftchi" futbol klubining libosi esdalik sovgʻa tariqasida topshirilib, kelajakdagi futbolchilik faoliyatiga yaxshi tilaklar bildirildi.