KEYINGI TUR BAHSIGA TAYYoRGARLIK BOShLANDI

Ikkinchi davraning ilk bellashuvida Bekabodning "Metallurg" jamoasini magʻlubiyatga uchratgan "Neftchi" klubi vakillariga bir kunlik hordiq chiqarish imkoniyati taqdim etilgan edi. Bugun barcha futbolchilar Qirgulidagi qarorgohda yigʻilib, kunning ikkinchi qismida navbatdagi tur bahsiga tayyorgarlikni trenajyor zalidan boshlashdi. Trenajyorlarda shugʻullangan futbolchilar keyinchalik yashil maydonga koʻchib oʻtishdi va Vitaliy Levchenko rahbarligidagi murabbiylar shtabi qoʻl ostida mashgʻulotlarni davom ettirishdi. Muxlislar eʼtiboriga bugungi mashgʻulotlardan tayyorlangan fotogalereyani havola etamiz.