GʻAYRAT HASANOV YoShLARGA MURABBIYLIK QILADI!
Yangi mavsum oldidan "Neftchi" jamoasining murabbiylar shtabi tajribali mutaxassis xizmatlaridan foydalanaydigan boʻldi. Jamoamiz rahbariyati tashabbusi bilan kuni-kecha Aziz Alijonov boshqarayotgan oʻrinbosarlar jamoasiga darvozabonlar bilan ishlash boʻyicha "Neftchi"ning oʻtmishdagi taniqli va afsonaviy posboni Gʻayrat Hasanov taklif etildi. Mutaxassis bugundan eʼtiboran jamoamizning oʻrinbosarlar va yoshlar jamoalarining darvozabonlariga saboq berishda faoliyat yuritadi. Jamoamiz va koʻp sonli futbol ixlosmandlari nomidan Gʻayrat Hasanovga "Neftchi" nufuzini yuksaltirishda va yuqori choʻqqilarni zabt etishida munosib hissa qoʻshishiga katta ishonch bildirib, murabbiylik sohasidagi faoliyatiga omad va zafarlar yor boʻlsin deymiz. "Neftchi" PFK matbuot xizmati