BEHRUZ OBLAQULOV "NEFTChI"DA
9-fevral, 2024·1 min o'qish
Oʻtgan futbol mavsumida "Mashʼal" safida toʻp surib, oʻzining yorqin va hujumkor oʻyinlari orqali U-19 birinchiligida toʻpurarlar bahsida 29 gol bilan mavsum toʻpurari boʻlgan yosh iqtidor egasi Behruz Oblaqulov yangi mavsumni fargʻonaliklar safida oʻtkazadigan boʻldi. Jamoamiz rahbariyati futbolchi bilan 3 yillik shartnoma yuzasidan kelishuvga erishdi. Ahil jamoamiz va barcha muxlislarimiz nomidan Behruz Oblaqulovga "Neftchi" sharafini munosib himoya qilishiga ishonch bildirib, faoliyatida omad va zafarlar yor boʻlishini tilaymiz. "Neftchi" PFK matbuot xizmati