Хабарингиз бор, севимли «Нефтчи» жамоамиз Суперлиганинг охирги 2 та баҳсини Тошкентда ўтказиб, битта ғалаба ва дуранг натижаларга эришган. Мазкур беллашувлардан сўнг мураббийлар штаби томонидан жамоа аъзоларига икки кунлик таътил тақдим этилган эди. Бугун эса вакилларимиз таътилдан қайтиб, 18 октябрь санасида бўлиб ўтадиган водий дербисига тайёргарлик кўриш учун Фарғонанинг муҳташам «Истиқлол» стадионида очиқ машғулотлар жараёнида иштирок этадилар.
Маълумот ўрнида, Виталий Левченко бошчилигида олиб бориладиган дастлабки очиқ машғулотлар жараёни бугун куннинг иккинчи қисмида соат 16:00 да бошланади.
«Нефтчи» ПФК матбуот хизмати