Turkiyaning Antalya shahrida yangi mavsumga tayyorgarlik ko‘rayotgan sevimli jamoamiz bugun yig‘inlar doirasidagi ikkinchi nazorat uchrashuvini Serbiyaning «Mladost» klubi bilan o‘tkazdi. Bahsning birinchi bo‘limida yigitlarimiz ancha shiddatli va texnikaviy jihatdan mahorat bilan harakat qildilar. Raqiblar darvozaboni uchun bir necha marta xavfli vaziyatlar ham yaratdilar. Lekin, bu harakatlar aniq natija bermadi va tanaffusga jamoalar 0:0 hisobi bilan chiqdilar.
Vitaliy Levchenko shogirdlari ikkinchi bo‘limni ham faollik bilan boshladilar. Bundan xavfsiragan raqiblar darvozaboni qo‘pol xatoga yo‘l qo‘ydi. Uning jamoadoshlariga oshirgan uzatmasi neftchilar oyog‘iga kelib tushdi. Bundan unumli foydalangan Jamshid Iskanderov to‘pni darvozaga aniq yo‘naltirib hisobni ochdi 1:0.
Shundan keyin «Neftchi»ning maydonda harakatlangan o‘yinchilari to‘la yangilandi. Raqiblar bu holdan foydalanib qolish uchun tashabbusni o‘z qo‘llariga oldilar.Lekin ularning bu hatti harakatlari natija bermadi. Bu qiziqarli bellashuv 1:0 hisobida farg‘onaliklar foydasiga yakunlandi.
Yigitlarimizga navbatdagi nazorat uchrashuvlarida ham tashabbuskorlik bilan harakat qilishlari, mahoratlarini amalda namoyish etishlarini tilab qolamiz
Nazorat uchrashuvi
15.01.2025
«Nеftchi» — «Mladost» (Sеrbiya) 1:0
Gol: Jamshid Iskandеrov 55
«Nеftchi»: Akbar To’raеv, Farruh Sayfiеv, Anvar G’ofurov (s), Yovan Jokich, Shoxruh Gadoеv, Ikrom Aliboеv, Bilolxon Toshmirzaеv, Abror Ismoilov, Jamshid Iskandеrov, Vladimir Yovovich, Zoran Marushich.
2-bo’limda tushganlar: Muhsin Ubaydullaеv, Doniyor Valiеv, Shohrux Yoqubjonov, Boyan Sigеr, Quvondiq Ro’ziеv, Diyor Turopov, Jamshid Boltaboеv, G’ulom-Haydar G’ulomov, Muhammadali G’iyosov, Toma Tabatadzе.
Бошқа хабарлар
MAGʻLUBIYATSIZ SERIYA DAVOM ETADI
BUGUNGI MASHGʻULOTLARDAN LAVHALAR
RASMIY MUNOSABAT