Xabaringiz bor, 12 may kuni soat 19:00da O‘zbekiston Superligasi 7-tur doirasida «Neftchi» Andijonning «Andijon» klubini qabul qiladi. Qiziqarli tarzda kechishi kutilayotgan mazkur uchrashuvga chiptalar sotuvi yo‘lga qo‘yildi. Chiptalar faqat stadion kassalarida 30000 va 40000 so‘mdan belgilangan narxlarda sotiladi.
Stadion ma’muriyati murojaatnomasiga binoan, futbol bellashuviga stadionning maxsus kassalaridan tashqari harid qilingan qalbaki chiptalar uchun javobgarlikni o‘z zimmasiga olmaydi va qalbaki chipta bilan stadion hududiga kirishga uringan shaxslarga nisbatan qonun doirasida choralar ko‘rilishi bo‘yicha muxlislarni ogohlantiradi.
Chipta sotib olgan tomoshabinlar bir-birlarini chinakam hurmat qilishlari va futbol bahsini chiptada ko‘rsatilgan joyda o‘tirib, tomosha qilishlarini iltimos qilamiz.
Shuningdek, Andijonlik muxlislar uchun chiptalar sotuvi faqat uchrashuv kuni soat 09:00dan boshlab, stadionning orqa tarafdagi (stadion katta monitori tomondagi) eshigi oldidagi kassasidan harid qilishingiz mumkin, stadionning 11-12-13-14-15-16 sektorlari mexmonlar uchun ajratilgan.
Бошқа хабарлар
«NAVBAHOR» – «NЕFTCHI» PRЕVIYU
YОSНLARIMIZDAN IRODALI G’ALABA!
O’RINBOSARLARIMIZDAN MUHIM G’ALABA!