TOMA TABATADZE: "MAQSADIM CHEMPION BOʻLISH"

Jamoamizga qaytgan Gruziyalik hujumchi Toma Tabatadze klub matbuot hizmati uchun kichik intervyu berdi.

—“Neftchi” klubi haqida nimalarni bilasiz?

—“Neftchi” klubi men uchun doim o’zgacha bo’lgan. Bu O’zbekistondagi eng nomdor va obro’li klublardan biri bo’lib, boy tarixga ega va muxlislar tomonidan ajoyib qo’llab-quvvatlanadi. Ilgari men ushbu jamoaning bir qismi bo’lish baxtiga muyassar bo’ldim va uning an’analari va ruhini chuqur hurmat qilaman.

—Klubga qo’shilishingizda qanday omillar muhim rol o’ynadi?

—“Neftchi”ga qaytishimga ko’p omillar ta’sir qildi. Avvalo, bu yerda o‘tgan vaqtimni yaxshi eslayman. Ikkinchidan, klub rivojiga o’z hissamni qo’shishim va jamoaning yuqori natijalarga erishishida yordam bera olaman deb o’ylayman. Va, albatta, muxlislarning qo’llab-quvvatlashi va klubning ambitsiyalari katta rol o’ynadi.

—Klubga qaytishingizdan asosiy maqsad nima?

—Asosiy maqsad – g’alabalarga erishish va chempion bo’lish. Men o‘z mahoratim va tajribamni klubni o‘z maqsadlariga erishishda qo‘llab-quvvatlash uchun sarflamoqchiman.

—Yangi mavsum haqida qanday fikrdasiz?

—Yangi mavsumni intiqlik bilan kutyapman. Jamoaning salohiyati bor va to’g’ri munosabat va mehnatsevarlik bilan biz yuksak cho’qqilarni zabt eta olamiz. Bizni kutayotgan sinovlarga tayyorman va muxlislarimizni xursand qila olishimizga ishonaman.

—Farg’onalik muxlislarga nima degan bo’lardingiz?

—Sizning iliq munosabatingiz va qo’llab-quvvatlashingiz men uchun doimo ilhom bo’lib kelgan. Men sizning ishonchingiz uchun minnatdorman va siz va klubimiz uchun 100% bilan harakatlanishga va’da beraman. Birgalikda biz katta muvaffaqiyatlarga erisha olamiz!

«Neftchi» PFK matbuot xizmati