Анъанавий ўтказиб келинаётган «Ҳоким Кубоги-2023» мусобақасида бош соврин учун кураш олиб борадиган финалчилар номи маълум бўлди. Бугунги ярим финал баҳсларининг дастлабки учрашувида «Нефтчи»(U-21)-» Қўқон-1912″ жамоалари куч синашиб (1:2), қўқонликлар финал йўлланмасини қўлга киритишган бўлса, иккинчи ярим финал беллашувида «Зомин» жамоаси «Андижон» SGS клубига имкониятни бой берди (0:2).
Шундай қилиб, эртага 4 февраль шанба куни 3-ўрин учун «Нефтчи»(U-21) ҳамда «Зомин» жамоалари ўзаро баҳс юритишади. Бош соврин учун «Қўқон-1912» ва «Андижон «SGS клублари курашадилар.
Эслатиб ўтамиз, ҳар иккала учрашув Фарғонадаги БЎСМ (собиқ ДЮСШ) футбол майдонида соат 11:00 ва 14:00 да бўлиб ўтади.
Барча футбол ишқибозларини мусобақанинг якуний ўйинларига чорлаб қоламиз.
«Нефтчи» ПФК матбуот хизмати
Бошқа хабарлар
JASUR JALOLIDDINOV BILAN DO‘STONA XAYRLASHILDI!
KICHIK DERBIDA HAM KUCHLAR TENG KELDI
NAVBATDAGI TUR SANASI OʻZGARDI