2024-йилнинг 17-28 апрель кунлари Тайланд мамлакати футзал бўйича 2024-йилги Осиё кубоги мусобақасига мезбонлик қилади. Мазкур турнирга йўлланмани қўлга киритиш учун Ўзбекистон футзал терма жамоаси жорий йилнинг 7-11 октябрь кунлари Осиё кубогига саралаш босқичи доирасида Ироқ, Камбоджа ва Малайзияга қарши учрашувларда иштирок этади. Қувонарли жиҳати, ушбу саралаш босқичи Фарғона шаҳридаги «Само» ёпиқ спорт мажмуасида ўтказилади.
Шу муносабат билан 7-11 октябрь кунлари Осиё кубоги саралаш босқичида Ўзбекистон футзал терма жамоасини қизғин ва кўтаринки руҳда қўллаб-қувватлаш учун барча жонкуяр ишқибозларимизни муҳташам «Само» аренасига чорлаб қоламиз.
Ўзбекистон футзал терма жамоасининг Фарғонадаги «Само» спорт мажмуасида бўлиб ўтадиган учрашувларнинг санаси ва бошланиш вақтларини келтириб ўтамиз:
7 – октябрь 18:00
Ўзбекистон – Камбоджа
9 – октябрь 18:00
Малайзия – Ўзбекистон
11 – октябрь 18:00
Ўзбекистон – Ироқ
«Нефтчи» ПФК матбуот хизмати
Бошқа хабарлар
SAFARDAGI UCHRASHUVNI ILGIZ TANTASHEV BOSHQARIB BORADI
SЕRGЕY ARSLANOV – «NЕFTCHI» MURABBIYI
JAMOAMIZ SOBIQ A’ZOSI OLЕKSEY LARINNING ARIZASI FIFA TOMONIDAN RAD ETILDI