YOSHLARIMIZ FARG‘ONA DERBISIDA YIRIK G‘ALABAGA ERISHDI
Qirgulidagi “Neftchi Arena” o‘yingohida bo‘lib o‘tgan kichik Farg‘ona derbisida kutilganidek uchrashuv farg‘onalik futbolchilar ustunligida kechdi. Ular birinchi bo‘lim boshidayoq faol harakatlanib, o‘yin nazoratini to‘liq o‘z qo‘llariga olishdi. Ketma-ket raqib darvozasiga uyushtirilgan hujumlar 9-daqiqada samarali yakunlandi. Chap qanotdan uzatilgan to‘pni qabul qilib olgan hujumchimiz Azizbek Muratov chiroyli tarzda darvozani ishg‘ol etib, uchrashuvda hisobni ochdi — 1:0. Shundan keyin ham hujumkorlikda davom etgan jamoamiz 19-daqiqada hisobni oshirishga muvaffaq bo‘ldi. Bu vaziyatda yana Azizbek Muratov to‘pni qabul qilib olib, ikkinchi golni kiritdi va dubl muallifiga aylandi — 2:0. Hech qancha o‘tmay sahnaga Mujohidbek Olimov kirib keldi. 22-daqiqada u bir nechta himoyachilarni aldab o‘tib, to‘pni aniq zarba bilan qo‘qonliklar darvozasiga joylab qo‘ydi — 3:0. Ushbu hisob bilan jamoalar tanaffusga yo‘l olishdi. Ikkinchi bo‘lim ham jamoamiz ustunligida kechdi va futbolchilarimiz ko‘plab golli vaziyatlarni yuzaga keltirishdi. Ammo mehmonlarning kam sonli qarshi hujumlaridan biri 82-daqiqada gol bilan yakunlandi. Bu vaziyatda qo‘qonliklar vakili Hayotjon Mamatov to‘pni jarima maydonchamiz ichida qabul qilib olib, aniq zarba bilan darvozamizni ishg‘ol etdi — 3:1. Ushbu hisob uchrashuv oxirigacha o‘zgarmadi va yakunda yoshlarimiz g‘alaba qozonib, turnir jadvalidagi o‘rnini mustahkamlab olishdi. U-21 BIRINCHILIGI 10-tur "Neftchi Arena" o‘yingohi 28 aprel soat 17:00 "Neftchi" 3:1 "Qo‘qon-1912" Gollar: Azizbek Muratov, 9'(1:0), Azizbek Muratov, 19'(2:0), Mujohidbek Olimov, 22'(3:0), Hayotjon Mamatov, 82'(3:1) Bosh hakam: Xushnudbek Suyunboyev Yordamchi hakamlar: Axrorjon Raxmatov, Axrorjon Xusanov Zaxira hakami: Salohiddin Akramov Nazoratchi: Sultonbek Zaylabiddinov Komissar: Muhammad Sulton Fozilov "Neftchi"U-21: 16.Ibrohim Shokirov, 17.Azizbek Muratov, 25.Omadillo Abdubannobov (61.ShohruhbekRahmonaliyev,79) 28.Muhammadqodir Rasuljonov, 29.Yahyoxon Isaqov (66.Hasanboy Umirzaqov,64), 37.Javohir Maxmudov, 44.Muminxon Baxodirxonov, 78.Mujohidbek Olimov (80.Albert Nurullayev,79), 79.Asilbek To‘xtasinov, 90.Dilshodbek Sharofiddinov (27.Nurbek Sarsenbayev,46) 97.Mirjalol Abdurahimov Zaxiradagilar: 13.Abdulmo‘min Nurmuhammadov, 40.Abdulloh Rashidov, 42.Muhammadsoxib Tursunov, 72.Xusniddinbek Akbarov, 76.Anvarjon Ahmadillayev Bosh murabbiy: Roman Sanjar