TEST-NORMATIVLAR TOPShIRILDI

Bugun Qirgulidagi "Neftchi" SK stadionida jamoamiz futbolchilari test-normativlarni topshirishdi. Test – normativlarni Oʻzbekiston futbol assosiasiyasi (OʻFA) Test-normativlarni topshirish boʻyicha komissiya raisi, Oʻzbekiston – U-17 oʻsmirlar terma jamoasi bosh murabbiyi Rauf Inileev va OʻFA ilmiy-metodik boʻlimi boshligʻi Shamil Iseevlar olishdi. Taʼkidlash joizki, OʻFA tomonidan har yili mavsum starti va ikkinchi davra oʻyinlari oldidan futbolchilarning jismoniy holatini aniqlash maqsadida test-normativlari oʻtkazib kelinmoqda. Bundan koʻzlangan asosiy maqsad, futbolchilarning yangi mavsumga jismoniy jihatdan toʻliq tayyorgarliklariga ishonch hosil qilishdan iboratdir. "Neftchi" matbuot xizmati