"NEFTChI" MAShGʻULOTLARNI BOShLAB YuBORDI

Yangi mavsumga tayyorgarlik doirasida rejalashtirilgan oʻquv-yigʻin mashgʻulotlarini Turkiyaning Antalya shahrida oʻtkazib, yurtimizga qaytgan "Neftchi" futbol klubi aʼzolari uch kunlik taʼtildan soʻng bugundan Fargʻonada yigʻilib, tayyorgarlikning uchinchi bosqich jarayonini oʻtashga kirishdilar. Ilhom Moʻminjonov boshchiligidagi murabbiylar shtabi qoʻl ostida oʻtkazilgan mashgʻulotlar kunning ikkinchi yarmida Qirgulidagi "Neftchi"SK stadionida olib borildi.Turkiya yigʻinlaridan soʻng qisqa taʼtilga oʻz yurtiga joʻnab ketgan legioner futbolchilarimizning shu kunlarda Fargʻonaga kelib, mashgʻulotlarga qoʻshilishlari kutilmoqda. Bugungi mashgʻulotlar jarayonidan olingan fotosuratlarni eʼtiboringizga havola etmoqdamiz. "Neftchi" matbuot xizmati