Хабарингиз бор, тақвимга кўра Про лиганинг 22-тур баҳсида “Нефтчи” футбол клуби 6 ноябрь куни Тошкентда “Олимпик” жамоасига қарши майдонга тушиши белгиланган эди. Лекин, пойтахт жамоасининг сўровига биноан, мазкур учрашув 8 ноябрь санасига кўчирилди. Асосий сабаблардан бири, айни вақтда Ўзбекистон U-23 терма жамоаси Осиё чемпионатининг саралаш босқичида иштирок этиши ва “Олимпик” жамоасидан 15 нафар футболчи терма жамоа йиғинига жалб этилганлигида, деб айтилмоқда.
“Нефтчи” матбуот хизмати