Shu kungacha “Neftchi” jamoasi ishtirokidagi uchrashuvlarni stadionlarda jami 234 257 nafar muxlis kuzatgan.
Farg‘onadagi “Istiqlol” stadionida bo‘lib o‘tgan o‘yinlarga 151 568 nafar muxlis tashrif buyurgan.
Eng ko‘p tomoshabin yig‘ilgan bahs — 6-turdagi “Neftchi – Paxtakor” o‘yini bo‘lib, unda 15 500 nafar muxlis stadiondan o‘yinni tomosha qilgan.
Eng kam tomoshabin esa 10-turdagi “Neftchi – Sho‘rtan” o‘yinida qayd etilib, 4 240 nafar muxlis stadionda bo‘lgan.
Safar uchrashuvlarida esa eng ko‘p tomoshabin 19-turdagi “Navbahor – Neftchi” bahsiga to‘g‘ri keladi — 21 350 nafar muxlis stadionga tashrif buyurgan.
Safardagi eng kam tashrif esa 5-turdagi “Mash’al – Neftchi” o‘yinida qayd etilib, atigi 499 nafar muxlis o‘yinni stadionda kuzatgan.
Jamoamizning uy uchrashuvlarini o‘rtacha 11 659 nafar muxlis kuzatib bordi — bu esa O‘zbekiston Superligasidagi eng yuqori ko‘rsatkich hisoblanadi!
Aziz muxlislar!
Navbatdagi bahsda ham stadionni to‘ldiramizmi?!