Superligada oxirgi 26-turni Toshkentda «Lokomotiv» jamoasiga qarshi o‘tkazgan «Neftchi» chiroyli va hujumkor o‘yini bilan naqadar farg‘onalik, balki butun muxlislarni qoyil qoldirdi. Birinchi bo‘limda Superligada qolish uchun barcha imkoniyatlarni ishga solgan temiryo‘lchilar neftchilar darvozasiga ustma-ust ikkita gol kiritdi. Bundan farg‘onalik muxlislar ancha ranjidilar. Lekin jamoamiz tushkunlikka tushmadi. Aksincha, butun kuchini hujumga qaratdi. Natijada uchrashuvning 40-daqiqasida Abbos G‘ulomov, 41-daqiqasida esa Bilolxon Toshmirzayev raqiblar darvozasiga gol kiritib hisobni tenglashtirdilar va birinchi bo‘lim durang 2:2 natijasi bilan yakunlandi.
Ikkinchi bo‘limda jamoamizda qator o‘zgarishlar yuz berdi. Maydonga tushirilgan yangi o‘yinchilar raqibga nisbatan bosimni yanada kuchaytirdilar. Ammo, yigitlarimizning mezbonlar darvozasi tomon yo‘llagan zarbalari noaniq ketdi. Faqat bosh hakam tomonidan qo‘shib berilgan vaqtning 90+(3) daqiqasida zaxiradan o‘yinga qo‘shilgan Sanjar Qodirqulov chap qanotdan uzatib berilgan to‘pni darvozaga aniq yo‘llab «Neftchi» g‘alabasini ta’minladi 2:3. «Lokomotiv» esa bu mag‘lubiyatdan keyin Superligani tark etadigan yagona jamoaga aylandi.
Shu g‘alabadan so‘ng neftchilar «So‘g‘diyona» va «Navbahor» klublari singari 43 ochko to‘pladi. Biroq, jamoalar o‘rtasidagi yutuq va mag‘lubiyatlar hamda to‘plar nisbatiga ko‘ra turnir jadvalini beshinchi o‘rin bilan yakunladi.
Bu yilgi mavsumda so‘nggi uchrashuvlarni yuksak saviyada o‘tkazib, muxlislar ishonchi va quvonchini oshirgan Vitaliy Levchenko shogirdlari jamoani doimo qo‘llab-quvvatlab kelgan viloyat hokimligiga va barcha homiylarga o‘z minnatdorchiliklarini izhor etadilar.
«Lokomotiv» — «Nеftchi» 2:3
Gol: 12 — Ivan Rogach (Shodiyor Shodiboеv), 30 — Sardor Abdunabiеv (Muhammadanas Hasanov), 38 — Abbos G’ulomov (Quvondiq Ro’ziеv), 40 — Bilolxon Toshmirzaеv, 90+3 — Sanjar Qodirqulov
«Do’stlik» stadioni
Bosh hakam: G’ayrat Jo’raеv
Qanot hakamlari: Maksim Nеxochin, Rasul Fozilov
Zaxira hakami: Umid Rahimjonov
VAR: Ravshan Abduvohidov
AVAR: Amir Galееv
Nazoratchi: Marat Ismoilov
Komissar: Shohruh Said
«Lokomotiv»: 1. Abdumavlon Abdujalilov, 4. Ivan Rogach, 6. Ozodbеk O’ktamov (3. Valеriy Kichin,80), 7. Sardor Abdunabiеv, 8. Dilshod Jo’raеv, 10. Shodiyor Shodiboеv ( 9. Timur Mamasiddiqov, 80), 11. Konstantin Bazеliyuk (72. Rustam Xolnazarov.76), 22. Muhammadanas Hasanov, 26. Abdulloh Yo’ldoshеv, 55. Anzur Ismoilov (S), 97. Mixail Gashеnkov.
Zaxira: 32. Suhrob Sultonov, 15. Jasurbеk Hakimov, 27. Sobit Sindarov, 28. Quvonchbеk Abraеv, 33. Ibrohimjon Qurbonov, 35. Azizbеk Abdumajitov,
«Nеftchi»: 1. Botirali Ergashеv, 2. Zoir Jo’raboеv, 4. Boyan Sigеr, 8. Sardor Abduraimov ( 24. G’ulom-Haydar G’ulomov.46), 10. Shohruz Norxonov ( 22. Azizbеk Amonov,82), 20. Anvarjon G’ofurov, 30. Quvondiq Ro’ziеv, 55. Manuchеhr Safarov (17. Sanjar Qodirqulov, 46), 70. Abbos G’ulomov, 77. Bilolxon Toshmirzaеv, 99. Nsungusi Effiong (9. Husayn Norchaеv, 46).
Zaxira: 16. Asrorbеk Kеnjaеv, 45. Akbar To’raеv, 14. Xurshid Muxtorov, 19. Mirzohid G’ofurov, 21. Muhsinjon Ubaydullaеv,
Ogohlantirish: 28 — Ozodbеk O’ktamov, 33 — Abbos G’ulomov, 63 — Sanjar Qodirqulov, 69 — Mixail Gashеnkov
Бошқа хабарлар
MUXLISLAR STATISTIKASI
VITALIY LEVCHENKO : BUGUNGI SHIJOAT UCHUN FUTBOLCHILARGA RAXMAT AYTAMAN
«LOKOMOTIV»-«NЕFTCHI» PRЕVYU