“Neftchi” PFK rahbariyati tomonidan jamoa muxlislariga boʻlgan eʼtibor sezilarli darajadi yuksalib bormoqda. Ularga har tomonlama qator qulaylik va sharoitlar yaratib berish maqsadida bugun «Istiqlol» stadionining majlislar zalida yigʻilish oʻtkazildi. Yigʻilishda klub bosh menejeri Jafar Irismetov, klub sport direktori Shahboz Begʻamov,»Neftchi» bosh murabbiyi Vitaliy Levchenko va fan klub yetakchilari qatnashdilar. Qiziqarli kechgan ushbu anjumanda yangi mavsum uchun takliflar koʻrib chiqilib, fan klub vakillari tomonidan amalga oshiriladigan ishlar borasida fikrlar bilan almashildi.Shuningdek, jamoamiz bosh murabbiyi Vitaliy Levchenko yangi mavsumga jamoa oldiga yuqori vazifalar qoʻyilayotganligi, ushbu vazifalarni amalga oshirishda muxlislarimiz, jumladan fan klubning xissasi katta ahamiyat kasb etishini taʼkidladi va yangi mavsumda fan klub aʼzolariga omad yor boʻlishini tiladi.
«Neftchi» PFK matbuot xizmati