“Хоким Кубоги”. Ярим финал ўйинлари ўтказилди
08.02.2019
photo_2017-03-05_14-42-51

8 февраль куни Қиргулидаги “Нефтчи” СК стадиони 2019-йилги “Ҳоким Кубоги” баҳсларининг финалчиларини аниқлаб берувчи ўйинларга мезбонлик қилди.

Куннинг биринчи ярмида Баҳром Ҳайдаров бош мураббийлигидаги “Нефтчи” жамоаси Самарқанднинг “Шердор” жамоаси билан рақобат олиб борди. Унда майдон эгалари Ҳамидулло Абдуҳамидов томонидан киритилган ягона гол эвазига ғалабага эришишдилар. Иккинчи бўлимнинг 47-дақиқасида Абдуҳамидовга нисбатан жарима майдончаси ичида қоида бузилди. Вазиятга яқин турган ҳакам пенальти белгилади. Зарбани эса ҳужумчининг ўзи амалга оширди ва ҳисобни очди. 1:0.  Ушбу ҳисоб ўйин охиригача сақланиб қолди ва “Нефтчи” финал йўлланмасини расман ҳал қилди.

Фарғоналиклар Самарқанд жамоасига қарши ўйинда қуйидаги таркибни майдонга тушишди:

Асосий таркиб: 12.Музаффар Абдуллаев, 3.Миржамол Неъматов, 4.Шодиёр Хожиматов, 5.Даврон Маматов, 6.Жамшид Қобулов, 9.Хамидулло Абдухамидов, 11.Идрис Бикмайкин, 20. Дилёр Ирматов, 21. Абдужалил Маназаров, 22. Ислом Тошпўлатов, 44. Отабек Зокиров

Захира: 1. Хуршид Мухаммадов, 7.Достон Абдураҳмонов, 8. Илхомжон Вахобов, 10. Хуршид Асқаралиев, 15. Азиз Мухторов,  23. Алишер Абдувохидов, 26. Бобур Исроилов

Орада бир соат ўтиб айнан ушбу стадионда иккинчи ярим финал ўйини бошланди. Унда “Қўқон-1912”нинг асосий таркиби “Нефтчи” U-18 билан беллашди. Айтиш керакки, шу куни “Нефтчи” U-18 сафида бир қатор тажрибали ва жамоа кўригида бўлиб турган ўйинчилар ҳам майдонга тушишди. Ўйин қизғин тус олди. Иккинчи финалчи масаласи ўйин сўнггига қадар мавҳумлигича қолди. 79-дақиқа қўқонликларнинг легионер футболчиси Недо Туркович стандарт вазиятдан сўнг ҳисобни очди. Орадан кўп ўтмай Шахбоз Эркинов меҳмонларнинг иккинчи голини урди. Якуний ҳисоб 0:2. Шу тариқа, финалда “Нефтчи” ҳамда “Қўқон-1912” жамоаларининг асосий таркиблари тўқнаш келишади.

“Нефтчи” U-18 қўқонликларга қарши баҳсда қуйидаги кўринишдаги таркибда ўйнади

“Нефтчи” (U-18): 21. Фаррух Турдалиев, 3. Шоҳжаҳон Рўзиматов, 10. Эламон Каримов, 19. Анвар Бердиев, 20. Сирож Ҳамроев, 23. Илҳом Ибрагимов, 24. Аҳмад Рўзибоев, 33. Аслиддин Тоштемиров, 35. Аббос Шодмонов, 88. Нодир Камолов, 99. Ибод Абелфайзов.

Захира: Шуҳрат Раҳмонов, 9. Озод Комилов, 32. Бобур Исроилов, 34. Азиз Мухторов, 70. Шаҳзод Усмонов, 71. Достон Абдураҳмонов, 77. Хуршид Асқаралиев, 87. Илҳом Ваҳобов, 94. Отабек Исроилов.

“Нефтчи” матбуот хизмати

 

© "Fcneftchi.uz". Барча ҳуқуқлар химоя қилинган. Хар қандай маълумотлардан фойдаланилганда, сайтга йўлланма берилиши шарт. Ишлаб чиқилган “Saflor”.