Сергей Ковшов: “Оғир меҳнат эвазига қимматли очкони қўлга киритдик”
02.03.2018

“Нефтчи” – “Насаф” (0:0) баҳсидан кейин ўтказилган матбуот анжуманида фарғоналиклар бош мураббийи Сергей Ковшов ва жамоа ҳимоячиси Шукурали Пўлатов иштирок этишди.

Сергей Ковшов: Бугун жиддий рақибга қарши рақобат олиб бордик. Аммо менга маъқул келган томони “Нефтчи”нинг ғалабага бўлган чанқоқлиги бўлди. Жамоа охиригача курашди. Ғалаба сари интилганликларини кўрсатиб қўйишди. Иштиёқ эса бугунги натижада муҳим роль ўйнади. Ҳамма мураббийлар жамоасининг ғалаба қозонишини истайди. Шу қатори  мен ҳам жамоамдан ғалаба кутгандим. Бугун биз оғир меҳнат эвазига қимматли очкони қўлга киритдик. Йигитларнинг ўйинидан кўнглим тўлди.

Шукурали Пўлатов: Бугун Ўзбекистондаги энг кучли клубга қарши тўп сурдик. Буни инкор этиб бўлмайди. Бежизга бу жамоа ўтган мавсумда 2-ўринни қўлга киритмади. Жамоамиз билан ўйинга жиддий тайёргарлик кўргандик. Баҳсда мухлислар бизга жуда катта далда бўлиб туришди. Бунинг учун уларга раҳмат деб қоламан. “Нефтчи” ёмон ўйин кўрсатмади. Бугун раҳбарият томонидан “Насаф”ни мағлуб этиш вазифаси олдимизга қўйилганди. Лекин дуранг натижа ҳам ёмон эмас деб ўйлайман. Жиддий рақибга қарши оғир ўйин кечди.

 

© "Fcneftchi.uz". Барча ҳуқуқлар химоя қилинган. Хар қандай маълумотлардан фойдаланилганда, сайтга йўлланма берилиши шарт. Ишлаб чиқилган “Saflor”.